| Xhakon Mark Çuni | |
|---|---|
 |
|
| Personal Information | |
| Name/Surname: | Xhakon Mark Çuni |
| Fatherhood: | Ndoc |
| Birthplace: | Rranxë ,Bushat |
| Residence: | Shkodër |
| Date of Birth: | 30/9/1919 |
| Date of Death: | 4/3/1946 |
| Place Death: | Shkodër |
| The Reason of Death: | Ekzekutim me pushkatim |
| Event included: | Gjyqi ndaj organizatës “Bashkimi Kombëtar” |
| Trial | |
| Judgment: | 22 shkurt,1946 Gjykata e Qarkut të Shkodrës |
| Execution | |
| Type of Execution: | Ekzekutim me pushkatim |
| Data Ekzekutimit: | 4/3/1946 |
| Place of Execution: | Shkoder |
Seminarist, themelues i organizatës «Bashkimi Shqiptar». Lindi në fshatin Rranxë të Bushatit (Shkodër), më 30 shtator të vitit 1919. Pas shkollës fillore, kryer në fshatin e lindjes, përfundoi shkollën e mesme në Shkodër dhe, tetëmbëdhjetëvjeçar, filloi studimet në Seminarin Papnor të qytetit. Që në moshë të re botoi në revistat «Kumbona e së Djelës» dhe «Aurora Consurgens» shumë artikuj, poezi e përkthime. Luajti në dramën «Flije Atdheut», vepër me temë nga Lufta e Spanjës. Qe themelues i organizatës politike «Bashkimi Shqiptar» brenda seminarit. Kur organizata u zbulua, mbrëmjen e 7 dhjetorit 1945 Sigurimi arrestoi Xhakon Mark Çunin, kurse më 31 dhjetor Atë Giovanni Faustin dhe Atë Daniel Dajanin, si eprorë dhe përgjegjës të Seminarit. Në gjyqin që filloi më 31 janar të vitit 1946, ai mori mbi vete të gjithë përgjegjësinë për organizimin e «Bashkimit Shqiptar», duke shfajësuar kësisoj At Faustin dhe At Dajanin. Më 22 shkurt të të njëjtit vit, Gjykata e Qarkut të Shkodrës urdhëroi dënimin e tij me vdekje-me pushkatim, bashkë me pesë të arrestuar të tjerë: At Faustin, At Dajanin, At Gjon Shl-lakun, Qerim Sadik Myftarin dhe Gjelosh Lulash Bajraktarin. Më 2 mars mbërriti miratimi për ekzekutimin e tyre, firmosur nga vetë Enver Hoxha. U ekzekutuan më 4 mars 1946, në varrezën e Rrmajit në Shkodër.