| Klemnet Miraj | |
|---|---|
 |
|
| Personal Information | |
| Name/Surname: | Klemnet Miraj |
| Birthplace: | Selcë , Kelmend |
| Date of Birth: | 1/10/1882 |
| Date of Death: | 22/11/1956 |
| The Reason of Death: | Hetuesi/Tortura |
Klerik katolik, definitor i Provincës Françeskane Shqiptare, drejtor i Muzeumit Arkeologjik. Lindi në Selcë të Kelmendit, më 1 tetor të vitit 1882. Studijoi në Kolegjin Françeskan të Kallmetit. U shugurua meshtar më 1 shtator të vitit 1907. Më 1914 filloi studimet për teologji e filozofi pranë Fakultetit Teologjik të Universitetit të Gracit. Pas mbarimit të studimeve u kthye në atdhe dhe më 1920 u caktua famullitar në Pejë. Më 1921 u arrestua nga serbët dhe u torturua barbarisht. Katër vjet më vonë, më 1925, u dëbua jashtë kufijve të Jugosllavisë. U vendos në Shkodër, ku u zgjodh tre herë definitor i Provincës Françeskane Shqiptare. Në gjithë këtë kohë, qe dhe drejtor i Muzeumit Arkeologjik. Shërbeu në Rubik e, për shumë vite, në Laç të Kurbinit. Në vitet e luftës ishte famullitar i Bizës së Ishmit. Është një nga firmëtarët e statutit të ri të Kishës Katolike Shqiptare (1951). U arrestua më 1955, dhe u dënua me 20 vjet heqje lirie. Vdiq si pasojë e torturave, më 22 nëntor 1956, në burgun e Burrelit, ku dhe u varros.