| Bilal Nivica | |
|---|---|
 |
|
| Personal Information | |
| Name/Surname: | Bilal Nivica |
| Birthplace: | Nivicë, Kurvelesh |
| Date of Birth: | 1892 |
| Trial | |
| Date of Arrest: | 1945 |
| Charges: | "Armik të popullit" |
| Sentencing: | 15 vjet Prison |
| Date of Decision: | 13/4/1945 |
| Court: | Gjykata Speciale e Tiranës |
| Release Date: | 1959 |
Ushtarak, adjutanti i Ismail Qemalit, komandant i Fuqive Ndjekëse gjatë periudhës së Mbretërisë, kryetar i Gjykatës Politike, Komandant i Përgjithshëm i Xhandarmërisë Mbretërore. Lindi në Nivicë të Kurveleshit, më 1892. Kreu Shkollën Ushtarake të Plotësimit në Tiranë. Nga viti 1926 deri më 1930 shërbeu si Nënprefekt i Devollit, pastaj si kryetar i Gjykatës Politike (1932-1937). Gjatë luftës drejtoi dy çeta nacionalistësh në anët e Vlorës kundër ushtrisë italiane (1942). Në vitin 1944 mori gradën e Kolonelit dhe aty nga fundi i atij viti u zgjodh Komandant i Përgjithshëm i Xhandarmërisë Mbretërore (shërbeu vetëm 15 ditë). U arrestua në vitin 1945 dhe, më 13 prill të po atij viti, Gjykata Speciale e Tiranës e deklaroi «armik të popullit», dhe e dënoi me 15 vjet burg me punë të detyruar, humbjen e të drejtave civile-politike dhe konfiskimin e pasurisë së tundshme e të patundshme. U lirua në vitin 1959.