| Dom Luigj Prennushi | |
|---|---|
 |
|
| Personal Information | |
| Name/Surname: | Dom Luigj Prennushi |
| Birthplace: | Shkodër |
| Date of Birth: | 24/1/1896 |
| Date of Death: | 24/1/1947 |
| The Reason of Death: | Ekzekutim me pushkatim |
| Trial | |
| Date of Arrest: | 8/12/1946 |
| Charges: | "Spiun i Vatikanit, strehues diversantësh" |
| Execution | |
| Type of Execution: | Ekzekutim me pushkatim |
| Data Ekzekutimit: | 24/1/1947 |
Meshtar katolik, Martir i Kishës, i Lumë.
Lindi në Shkodër, më 24 janar 1896. Që nga klasa e parë e fillores e derisa u shugurua meshtar (1906-1921), studioi në seminare të ndryshme të Piemontes, në kolegjet Skarnafacio e Sarvano. U shugurua meshtar më 12 mars 1921. Pas kthimit në Shqipëri, shërbeu si famullitar në dioqezën e Sapës e të Shkodrës: në Mazrek, Nënshat, Shllak, Dardhë (Pukë), Koman, Dush e, së fundi, në Shelqet e Kaçë-Naraç. U arrestua në Naraç, më 8 dhjetor 1946, si «spiun i Vatikanit, strehues diversantësh». Për të terrorizuar popullsinë, u pushkatua në Shelqet, në sy të fshatarëve, më 24 janar të vitit 1947. Vdiq «in odium fidei» (në urrejtje të fesë). Në maj 1992 u gjetën eshtrat e tij, që u rivarrosën në varrezën e Rrmajit në Shkodër. Në vitet 2002-2010, u zhvillua Hetimi Dioqezan i Shkodrës, që mblodhi provat për martirizimin e tij dhe të 37 sivëllezërve meshtarëve e ipeshkëvinjve të tjerë, dhe më 26 prill të vitit 2016, u shpall Martir i Kishës. Gjashtë muaj më vonë, më 5 nëntor 2016, në Katedralen e Shkodrës u zhvillua kremtimi solemn i Lumnimit të tyre. Katër ditë më vonë (9 nëntor 2016), Presidenti i Republikës i dha dekoratën e lartë të «Flamurit të Kombit».