| Dom Tomë Laca | |
|---|---|
 |
|
| Personal Information | |
| Name/Surname: | Dom Tomë Laca |
| Birthplace: | Shkodër |
| Date of Birth: | 1898 |
| Profession: | Klerik katolik |
| Date of Death: | 21/2/1962 |
| Trial | |
| Date of Arrest: | 18/11/1946 |
| Sentencing: | i perjetshem Prison |
Klerik katolik. Lindi në vitin 1898, Shkodër. U shugurua në Shkodër, më 1929, dhe u emërua sekretar i Arqipeshkvit të Shkodrës (fillimisht i Imzot Lazër Mjedës, pastaj i Imzot Gaspër Thaçit dhe në fund i Imzot Frano Gjinit). Më 1945 iu dha leje të përcillte Delegatin Apostolik dhe të mos kthehej në atdhe, por ai nuk pranoi. U arrestua më 18 nëntor 1946, pak pas Kryengritjes së Postribës (9 shtator 1946), bashkë me një grup meshtarësh, si Imzot Frano Gjini [shih], Imzot Gjergj Volaj [shih], Imzot Nikollë Deda [shih]. Pas katërmbëdhjetë muaj torturash, në janar të vitit 1948 u dënua me vdekje, me pushkatim, dënim që më vonë iu kthye në burgim të përjetshëm. U lirua më 1960. Vdiq më 21 shkurt 1962.
Dr. Pjetër Pepa, Tragjedia dhe lavdia e klerit katolik në Shqipëri, “55”, Tiranë, 2007