Fadil Hysen Frashëri rrjedh nga një familje patriote shqiptare. Fadil Frashëri lindi me 1912 në Frashër të Përmetit nga një baba patriot Hysen Bej Frashëri. Me djegien e Frashërit nga grekët gjatë viteve 1912-1914, si shumë shqiptare të tjerë dhe familja e Fadilit iu drejtua Tiranës tek njerëzit e tij të afërt. Familja u zhvendos në Tiranë në rrugën 'Ali Bej', sot rruga 'Fortuzi'. Fadili përgjatë rinisë së tij sdudioi në shkollën e Harri Fulzit në Tiranë, ku doli me rezultate të shkëlqyera. Fadil Frashëri së bashku me disa djem të përzgjedhur u thërritën për të kontribuar në rindërtimin e vendit pas luftës së dytë botërore, e cila përfshiu dhe territorin tonë. U emërtua bashkë me disa kolege me të cilët përfundoi shkollën si ekspert në Ministrinë e Bujqësisë. Gjatë kësaj periudhe sëbashku me kuadrot e kësaj ministrie punoi për Reformën Agrare, e cila nisi gjatë viteve 1945. Më pas Fadili me vendim nr 50 data 01.10.1950 të Gjykatës së Lartë, Kolegji Ushtarak e deklaron fajtor. Akuza; Krim kundër shtetit dhe dënohet me 20 vjet heqje lirie sipas nenit 4 Ligji 372. Dënimi ishte aq qesharak sa që në 05/ 08/ 1956 lirohet para kohe me kusht.