| Gjergj Kokoshi | |
|---|---|
 |
|
| Personal Information | |
| Name/Surname: | Gjergj Kokoshi |
| Birthplace: | Shkodër |
| Date of Birth: | 1904 |
| Date of Death: | 1950 |
| Place Death: | Burrel |
| Circumstances of Death: | Burg |
| Trial | |
| Date of Arrest: | 01/1946 |
| Charges: | "Anëtar të një organizate të fshehtë terroriste" |
| Sentencing: | 20 vjet Prison |
| Date of Decision: | 06/1946 |
| Court: | Gjykata Ushtarake e Tiranës |
Veprimtar politik, ministër i Arsimit tetor 1944-janar 1945, deputet. U lind në vitin 1904, në Shkodër. U laurua për letërsi në Paris. Gjatë luftës mori pjesë në rezistencën antifashiste, si kolonel në zonën e Dibrës dhe qe anëtar i Këshillit Nacional-Çlirmitar. Në tetor të vitit 1944 u zgjodh ministër i Arsimit, post nga i cili dha dorëheqje në janar 1945. Në shtator dhe në fillim të dhjetorit të po këtij viti, edhe pse ishte anëtar i Frontit Demokratik, e shprehu hapur kundërshtimin e tij ndaj ligjit të ri zgjedhor, që nuk lejonte pjesëmarrjen në zgjedhje të partive të tjera. Emri i tij lidhet me lindjen e Partisë Social-Demokrate Shqiptare dhe me lëvizjen opozitare të njohur si Bashkimi Demokrat. U zgjodh deputet në legjislaturen e parë pas luftës. U arrestua në janar të vitit 1946, bashkë me 36 anëtarë të Bashkimit Demokrat. Në qershor të po këtij viti, Gjykata Ushtarake e Tiranës e deklaroi fajtor "si anëtar të një organizate të fshehtë terroriste" dhe e dënoi me 20 vjet heqje lirie. Vdiq në burgun e Burrelit më 1950.