| Hafiz Myftia | |
|---|---|
 |
|
| Personal Information | |
| Name/Surname: | Hafiz Myftia |
| Fatherhood: | Esat |
| Birthplace: | Shkodër |
| Date of Birth: | 2/8/1911 |
| Date of Death: | 1975 |
| Trial | |
| Date of Arrest: | 12/1945 |
Klerik i lartë, Kryetar i Komunitetit Musliman Shqiptar (1967). Lindi më 2 gusht të vitit 1911, në Shkodër. Mësimet e para mori nga xhaxhai i tij, kurse të mesmet, në medresenë e Shkodrës (1925-1929). Me përfundimin e tyre, u emërua imam i Xhamisë së Tabakëve, ku vazhdoi të shërbejë 2 vjet, e më vonë në xhaminë e Ajasmës. Në vitet 1938-1943, u emërua mësues besimi në shkollën fillore të Dudasit. Më 1944 u zgjodh drejtor i medresesë së Shkodrës, funksion të cilin e kreu deri në vitin 1947, kur medreseja u mbyll. U arrestua në dhjetor të vitit 1945, por, pa kaluar shumë kohë, u lirua. Mes viteve 1952-1954 ushtroi detyrën e drejtorit të Medresesë së Përgjithshme të Tiranës. Gjashtë vjet më vonë (1952), u diplomua hafiz. Më 1964, u emërua predikues (vaiz) në xhaminë e Parrucës, ndërsa më 1967 u zgjodh kryetar i Komunitetit Musliman të Shqipërisë. Pas ndalimit të fesë e deri në fund të jetës, punoi si nëpunës i specializuar në fondin e orientalistikës së Bibliotekës së Shtetit në Shkodër, të krijuar nga librat e sekuestruar nga Biblioteka e Myftinisë dhe familjet e ndryshme shkodrane. Vdiq në vitin 1975.