| Maks Velo | |
|---|---|
 |
|
| Personal Information | |
| Name/Surname: | Maks Velo |
| Fatherhood: | Sotir |
| Birthplace: | Paris |
| Residence: | Tiranë |
| Date of Birth: | 31/8/1935 |
| Profession: | Arkitekt |
| Trial | |
| Date of Arrest: | 14/10/1978 |
| Charges: | “Agjitacion dhe propagandë kundër shtetit” |
| Sentencing: | 10 vjet Prison |
| Investigator: | Dhimitraq Shkodrani |
| Prosecutor: | Isamedin Resnja |
| Judgment: | Nr.142 |
| Date of Decision: | 17/4/1979 |
| Judge: | Fiqiri Haxhademi |
| Court: | Gjykata e Rrethit të Tiranës |
| Release Date: | 13/1/1986 |
Maks Velo u lind në Paris, në vitin 1935, në familjen e Sotirit, të diplomuar mjek në Athinë dhe të specializuar okulist në Francë dhe Ani Poros, vajzës së një emigranti nga Dardha e Korçës. Kur ishte 5 vjeç, familja e tij u kthye në Korçë, ku Maksi kreu studimet deri në vitin e dytë gjimnaz. Në Korçë, Maks Velo ka qenë nxënës i piktorit Vangjush Mio. Në vitin 1952, familja është zhvendosur në Tiranë, ku Maksi ka përfunduar dhe studimet e larta në degën e Inxhinierisë së Ndërtimit-Arkitekturës. Dhe pse me profesion arkitekt, piktura ka qenë një pasion, të cilin Maksi e ushtronte rregullisht, i tërhequr nga rryma impresioniste, ekspresioniste dhe surrealiste.
Këto prirje në pikturë dhe qëndrimi kundër doktrinës socialiste në art dhe politikë, sollën dërgimin e tij në disa fshatra derisa e arrestuan në vitin 1978, kur ishte 43 vjeç. Dy vite më parë ai ishte ndarë nga bashkëshortja, me të cilën ka një djalë. Ish-bashkëshortja dëshmoi kundër Maksit për qëndrimet e tij moderniste në pikturë.
U akuzua për agjitacion dhe propagandë kundër shtetit dhe u dënua me 10 vjet burg. Shumë nga pikturat dhe objektet artistike që iu gjetën në shtëpi, 249, u shkatërruan me urdhër të Gjykatës. U lirua me amnisti para mbushjes së afatit të dënimit, në vitin 1986.
Me ardhjen e viteve '90, Maks Velo ka botuar një varg librash me tregime dhe skica rreth kohës së burgut si dhe një koleksion të madh pikturash.