Lindi më 3 qeshor të vitit 1932, në fshatin Golem të rrethit të Shkodrës. Me arsim të mesëm të pambaruar. Më 1960 u dënua me vdekje për tradhti të lartë me akuzën bashkëpunim me diversantët. Por diversanti nuk ishte veçse vëllai i nënës së tij, Haxhi Hajdari , deputet i Kuvendit Popullor, i cili pasi u prish me komunistët, doli në mal, i shoqëruar nga i nipi, Muhoja. Kur irrethuan në një shpellë, Haxhi Hajdari vrau veten, kurse Muho Bala u arrestua dhe u dënua me vdekje. Por Presidiumi i Kuvendit Popullor i fali jetën. Një pjesë të dënimit e vuajti në kampin e Spaçit. Në krye të 18 viteve burg, më 21 shkurt të vitit 1979 (në dosjen hetimore 20, në dosjen gjyqësore 23 shkurt) u riarrestua bashkë me Fatos Lubonjën , Thoma Bejo, Dhimitër Stefën dhe Eduard Vatën, në kohën që ende po vuante dënim në kampin e Spaçit, si anëtar i një organizate të paqenë, që u pagëzua «Revizioniste e majtë». U akuzua se ka «marrë pjesë në një organizatë kundërrevolucionare, antisocialiste të krijuar nga të arrestuarit Fadil Kokomani dhe Vangjel Lezho për të kryer krime kundër shtetit, si dhe kanë agjituar e propaganduar kundër shtetit.». Më 19 prill 1979, Gjykata e Lartë e dënoi me 22 vjet heqje lirie.

Please complete the required fields.

Emri/Mbiemri*

E-mail*

Informacionet që doni të shtoni*

Shtoni një imazh/dokument

Please select your image(s) to upload.

Shtoni një tjetër

Human verification: leave this field empty.