Mustafa Greblleshi | |
---|---|
Personal Information | |
Name/Surname: | Mustafa Greblleshi |
Birthplace: | Tiranë |
Residence: | Tiranë |
Date of Birth: | 15/12/1922 |
Profession: | Shkrimtar |
Trial | |
Charges: | "Armik i popullit" |
Poet, shkrimtar, përkthyes.Lindi në Tiranë, më 15 dhjetor të vitit 1922. Mësimet fillore i kreu në Vlorë, ndërsa të mesmet në Liceun e Tiranës. U regjistrua në Universitetin e Torinos, në Fakultetin e Letërsisë, por u detyrua t’i ndërpresë studimet. Me pseudonimin Liu i Cakut zhvilloi një veprimtari të gjerë letrare e publicistike në revistat «Tomori», «Njeriu», «Bleta», «Kultura Islame», «Vatra», «Drini», «Revista Letrare» etj. Pas luftës punoi si redaktor i gazetës «Bashkimi» nga dita e parë e botimit të saj deri në vitin 1946, kur u arrestua si "armik i popullit". Pas lirimit nga burgu punoi për disa vjet si mësues gjuhe në disa qytete. Por shumë shpejt u quajt i padenjë për të ushtruar një profesion të tillë, ndaj u hoq nga arsimi dhe u deturua të punojë si punëtor krahu deri në vitin 1974. Vepra: «Albumi i një bojaxhiu» (tregime, Tiranë, 1960; Prishtinë, 1971), «Shalli i kuq», «Gremina e dashunis» (Prishtinë, 1968), «Muhabet tirançe me Liun e Cakut» (Tiranë, 1997). Përkthime: «Një mijë e një net» (në tre vëllime, Tiranë 1998), Pirandelo «Jeta lakuriq» (novela), Eduardo de Filipo, «Filumena Marturano» (drama)