| Myrteza Bajraktari | |
|---|---|
 |
|
| Personal Information | |
| Name/Surname: | Myrteza Bajraktari |
| Birthplace: | Gostivar,Maqedoni |
| Date of Birth: | 15/4/1933 |
| Profession: | Mësues |
| Trial | |
| Date of Arrest: | 12/1/1953 |
| Charges: | «Agjitacion e propagandë» |
| Sentencing: | 7 vjet ,3 vjet Prison |
| Judgment: | 28 qershor 1971, Gjykata e Rrethit të Tiranës |
Veprimtar politik, mësues.Lindi me 15 prill te vitit 1933, ne qytetin e Gostivarit, në Maqedoni. Arsimin e mesëm e kreu në Tetovë e Shkup. Më 1952 filloi studimet për filozofi në Universitetin e Shkupit, ku krijoi organizatën naciona-liste «Shkëndija». U arrestua më 12 janar të vitit 1953 dhe, pas torturash çnjerëzore në hetuesi, u dënua me 7 vjet heqje lirie. Dënimin e vuajti në burgun e Idrizovës, në Shkup. Pas lirimit, më 1962 kaloi në Shq-ipëri. Pas muajsh hetuesie, u internua në Kampin e Semanit për më tepër se katër vjet. Në vitin 1966 iu dha e drejta e studimit: mbaroi Fakultetin e Gjuhës dhe Letërsisë në Universitetin e Tiranës (1970). U emërua në Institutin e Historisë dhe Gjuhësisë, por me ndërhyrjen e Sigurimit u transferua në rrethin e Beratit, gjë që nuk e pranoi. U arrestua më 12 nëntor të vitit 1970 dhe më 28 qershor 1971, Gjykata e Rrethit të Tiranës e dënoi me 3 vjet heqje lirie për «agjitacion e propagandë kundër R.P.SH.». Pas lirimit iu mohua e drejta e ushtrimit të profesionit të mësusesit dhe u detyrua të bënte punë nga më të rëndat. Në korrik të vitit 1990 krijoi grupin ilegal «Fronti Antikomunist Tanshqiptar». Në janar të vitit 1993 u emërua konsull i Shqipërisë në Konfederatën Zvicerane. Pesë vjet më vonë, më 1998, emigroi në Belgjikë, ku jeton dhe sot.